contribución debuxo técnico

• Na materia de Debuxo Técnico o alumnado traballará na elaboración da documentación gráfica e planimétrica necesaria para o mellor coñecemento da realidade física do ámbito de estudo.
•  Nunha fase posterior, asumirá tamén a concreción das diferentes propostas de actuación que se deriven da análise realizada, e definirá técnicamente os elementos de deseño asociados ás mesmas.

• Como material base de traballo, os alumnos disporán na Aula Virtual da cartografía base do ámbito de actuación, en formato dwg. 

  Cada equipo de traballo realizará a tarefa encomendada partindo dese plano base, sobre o que poderá engadir a información necesaria ou realizar as modificacións que precise. Deberá respectarse en todo momento o formato de traballo previsto. 
• Para o desenvolvemento da fase inicial se forman 6 equipos de traballo de tres persoas, que resolverán as tarefas asignadas nos apartados seguintes:

Elaboración, mediante un código gráfico de cores, do plano de alturas da edificación.

Elaboración, mediante un código gráfico de cores, do plano de usos da edificación. Usos mínimos a considerar: residencial unifamiliar, residencial plurifamiliar, residencial hoteleiro, educativo, institucional, hospitalario, deportivo, zonas verdes.

Elaboración, mediante un código gráfico de cores, do plano de edificios singulares polo seu valor histórico (tipoloxías orixinais de vivenda que se conservan) e etnográfico (muiños, lavadoiros, cruceiros).

Utilizando o plano base como referencia e o recurso google maps (ou calquera outro axeitado), o equipo aportará a documentación fotográfica aérea que describa a situación do ámbito do río Gafos no conxunto da cidade, o propio ámbito e as partes do mesmo.

Utilizando o plano base como referencia, o equipo aportará a documentación fotográfica que describa secuencialmente o percorrido visual polo río Gafos en ambos os dous sentidos do cauce. A posición de cada toma fotográfica deberá quedar referenciada no plano base.