Son Noelia Franco Moreira, estudante de 2º ESO A, no IES Sánchez Cantón e escribo estas liñas recollendo as ideas dos meus compañeiros e as miñas propias. Propuxéronnos escribirlle un informe para falarlle do importante que é para nós o noso entorno e máis concretamente o río Gafos.
Dende hai varios anos unha asociación que supoño coñece ben, chamada Vaipolorío, loita pola conservación non só de manter limpa a auga do río, senón tamén pola biosfera circundante. Tentan achegar á poboación a preocupación polo coidado do medio natural mediante distintos programas.
Con esta carta quero solicitar a súa axuda e apoio nesta cuestión, coa aplicación dunhas melloras para que a xente poida contemplar e gozar dun novo río Gafos.
Algunhas desas melloras pasarían por:
Espero que vostede non sexa un deses políticos que só atenden aqueles casos que sexan mediáticos e que se implique na conservación da natureza, pois súa tamén o é, e como xa lle comentei, cremos que o río Gafos é importante e hai que coidalo.
A cidadanía tende a pensar no presente "eu agora respiro, teño auga potable, teño árbores e praias, que me importa a min o futuro?, que se arranxen despois!!, Oxalá inventaran unha máquina do tempo para envialos a ese futuro que non lles importa". É vostede un deles? Creo que non, polo que espero e prego a súa axuda e, como dicía Albert Einstein, :"O mundo non está en perigo polas malas persoas, senón por aquelas que permiten a maldade"
Moitas grazas pola atención e reciba un cordial saúdo
Atentamente,