Despois de analizar a evolución morfolóxica, as mudanzas no uso do solo e o patrimonio cultural e etnográfico que había no barrio,
cales cres que son as debilidades e as ameazas que ten o barrio? Cales son as súas fortalezas e oportunidades?
Que melloras introducirías no barrio? Por que? Que pretendes con esas melloras?
O río é importante para o barrio. Funciona como un corredor
ecolóxico. Pescuda en que consiste este termo. Busca as vantaxes e os inconvenientes dos corredores ecolóxicos.
Cando teñas a oportunidade debes facer fotos que demostren que o río Gafos pode ser
un corredor ecolóxico e, á vez, hábitat para as especies que viven nel.
En que parte do curso do río Gafos ao seu paso polo barrio cres que habería que facer algunha actuación para mellorar esa función
de corredor? Recolle imaxes que indiquen esa deficiencia.
Coa axuda da información da páxina web da
Asociación Vaipolorioelabora un album de fotos das especies
vexetais (árbores e arbustos) existentes nas beiras do río e indica as súas características. Indica cales son as especies que hai no barrio.
Verás que na páxina non hai referencias ás especies que podemos ver ao carón do instituto. Esa presenza de aves anseriformes non son
autóctonas. Elabora un album coa variedade de patos, ocas, gansos existente no treito final do río.
Ademais podemos ollar unha diversidade de aves mariñas. Elabora un album con esas especies.
No concello de Pontevedra, conscientes da riqueza natural que ofrece o río Gafos dende o seu
nacemento, buscaron a declaración de Espazo Natural de interese local. Na seguinte ligazón podes ollar a área
protexida