o medio ambiente

Durante tres sesións lectivas, o alumnado levou a cabo un traballo previo á saída de campo. Tras explicar o tipo de actividade e os obxectivos da mesma, formáronse os grupos de traballo e comezou a procura de información na rede. Estudáronse os aspectos avaliables do río, é dicir, todos aqueles factores físico químicos medibles da auga , así como os métodos de recollida de mostras (instrumental, materiais, procedementos, normas de seguridade).

O día 15 de maio realizouse a saída de campo, durante a que se tomaron todas as medidas necesarias para o estudo. Nesta ocasión puidemos entrar en contacto coa natureza e co aspecto máis ameno da investigación. Foron necesarias a colaboración, xa non só dos profesores encargados, senón dos propios equipos de traballo, onde a organización por parte dos propios alumnos foron elementos clave para o desenvolvemento da actividade.

O procedemento consistiu na recollida de mostras en tres tramos distintos do río, para analizar algunhas das características do río, tomándose medidas da temperatura, pH, cor, cheiro e substancias como os nitritos e os nitratos.

Nos días seguintes, empregáronse outras tres sesións lectivas para analizar os resultados obtidos. Cada grupo ademais, elaborou unha memoria da actividade onde reflicte a importancia de cada un dos parámetros estudados, o procedemento da práctica, os materiais empregados, os resultados obtidos e as conclusións do estudo.

Toda a actividade estivo deseñada e organizada polo profesor Germán Santos Galiñanes

Para botarlle unha ollada aos resultados obtidos cómpre abrir as memorias que hai máis abaixo nesta mesma sección