A materia de Debuxo Técnico, impartida polo profesor Jaime Rodríguez Abilleira, desenvolveu ao longo do curso 2016-2017 e primeiro trimestre do 2017-2018 un traballo de achegamento planimétrico ao barrio e ao patio do centro, unha elaboración de propostas e a realización final que recollemos neste apartado. O primeiro pase de diapositivas presenta as ideas para mellorar o patio, atopadas en internet, que servirán de inspiración para as propostas traballadas no curso seguinte.
O segundo pase de diapostivas recolle os traballos de cada un dos subgrupos sobre a creación de asentos en grada e bancos reutilizando pallets. Estas ideas, aprobadas polo Consello Escolar, deron pé a unha transformación do espazo porticado que temos no patio, habitualmente pouco usado polo alumnado.